என் கேள்விக்கென்ன பதில்

கர்நாடகாவில் ஓர் கோவிலுக்கு 64 அடி உயரம் 24 அடி அகலம் முகம் மட்டும் செதுக்கப்பட்ட கோதண்டராமர் சிலை தமிழகத்திலிருந்து எடுத்துச் செல்லப்படுவதால் ஏற்படும் போக்குவரத்து இடைஞ்சல்களையும், செல்கின்ற பாதையில் கட்டிடங்கள் சேதமாவதனையும் எப்படி சகித்துக் கொள்ள முடியும்? பகவான் பெயரில் மக்களுக்கு தொல்லை தருவதனை கண்டித்தால் எதிர்வினைகள் உருவாகும் என்று யாரும் கண்டிக்க முன்வருவதில்லையா?
கே.சம்பத்குமார், செந்துறை
 

 சுவாமி காரியம், கோவில் விஷயம், ஹிந்து மத உணர்வு ஆகியவைகளை உண்மையாகவே மதிக்கின்றவர்கள் இந்த விஷயத்தில் தகுந்த முன் யோசனைகளையும், ஏற்பாடுகளையும் செய்திருக்க வேண்டும். செய்ய தவறிவிட்டனர். தேர்தல் வர இருக்கின்ற காரணத்தினால் பல அரசியல் கட்சிகளும் தாங்கள் பக்தர்களின் அதிருப்திக்கு ஆளாக வேண்டாம் என்று மௌனம் காத்து விட்டனர். இந்த விஷயம் கவனமாகவும், நடைமுறை சாத்திய அணுகுமுறையுடனும், திறமையாகவும் செய்திருக்க வேண்டிய ஒன்று. அனைவரும் எதிர்காலத்தில் இதுபோன்ற விஷயங்களில் கவனமாக நடந்து கொள்வார்கள் என்று எதிர்நோக்கிடுவோம்.


ஜெயலலிதா அவர்களின் மரணம் பற்றிய சந்தேகங்கள் எப்பொழுதுதான் தீர்க்கப்படுமோ?
எம்.வீரராகவன், நாகப்பட்டினம்
 

ஜெயலலிதா அவர்களின் மரணத்தில் உண்மையாகவே ஏதேனும் மர்மமோ அல்லது சந்தேகமோ இருந்திருக்குமேயானால் அது இந்நேரம் வெளி வந்திருக்க வேண்டும். அதனால் அவர் மரணத்தில் சந்தேகங்கள் ஏதும் ஏற்பட வாய்ப்பு இல்லாமல் இருந்திருக்கலாம் அல்லது பல்வேறு அணிகளாக இருக்கின்றவர்கள் ஒன்று சேர்ந்து உண்மைகளை வெளி வர விடாமல் தடுத்து வருவதும் காரணமாக இருக்கலாம்.


தி ஆக்ஸிடெண்டல் பிரைம் மினிஸ்டர் என்கின்ற திரைப்படம் வெளியிட்டது முறைதானா?
எஸ்.முகுந்தராஜன், ஆழ்வார்திருநகர்
 

பேச்சுரிமை, கருத்துரிமை என்று விவாதிப்பவர்கள் இது போன்ற விஷயங்கள் புத்தகமாகவோ, திரைப்படமாகவோ வெளியிடப்படுவது தவறில்லை என்று கூறினாலும், புத்தகம் வெளியிட்டதோடு நிறுத்திக் கொண்டு திரைப்படத்தினை தவிர்த்திருக்கலாம் என்பது நமது கருத்து. பல்வேறு காலகட்டங்களில் பல்வேறு தலைவர்கள் நாட்டின் பிரதமராக வந்துள்ளார்கள், வர இருக்கின்றார்கள். பாரத பிரதமர் பதவியின் மதிப்பினையும், முக்கியத்துவத்தினையும் எந்தவொரு கோணத்திலும் சிறுமைப்படுத்துவது என்பதனை ஏற்றுக் கொள்ள முடியாது.

என் கேள்விக்கென்ன பதில்
காங்கிரஸ் தலைவர் ராகுல் காந்தியினை பிரதமர் வேட்பாளராக பல எதிர்கட்சிகளும் ஏற்றுக் கொள்ள தயங்குவது ஏன்?
பி.கேசவன், கும்பகோணம்
 
Read More ..
 
Online Payment
Now Make Your State Patron Magazine Subscription and Donation Through Online Payment Gateway Service Provide By THAMBRASS