என் கேள்விக்கென்ன பதில்

காஷ்மீருக்கு சுற்றுலா சென்ற சென்னையை சேர்ந்த தமிழ் இளைஞர் R.திருமணி கல்லால் அடித்து கொல்லப்பட்டதற்கு தமிழகத்தில் எந்த கட்சித் தலைவர்களும் கண்டு கொள்ளவில்லையே. ஏன்?
N. சுப்ரமணியன், மதுரை.
 

R.திருமணி ஒரு தமிழன் மட்டும்தான்.  அவர் இஸ்லாமியராகவோ அல்லது கிறிஸ்தவராகவோ இருந்திருந்தால் தமிழக அரசியல் கட்சிகளும்  அரசியல்வாதிகளும் சொரணை கொண்டு பொங்கி எழுந்திருப்பார்கள் போலும்!.  தமிழக அரசியல் களம் நாளொரு மேனியும் பொழுதொரு வண்ணமுமாக கேவலமான நிலைப்பாட்டுடன் மோசமான நிலையினை நோக்கி போய் கொண்டிருக்கின்றது  என்பதனைத் தான் இது காட்டுகின்றது. 


தமிழக அரசு பள்ளிகளில் பாடப் புத்தகங்கள் அமைப்பதிலும் பாடங்களிலும் தரம் உயர்த்தப்பட்டுள்ளது. அதோடு மட்டுமல்லாமல் அரசு பள்ளி மாணவ, மாணவிகளுக்கும் மற்றும் அரசு உதவி பெரும் பள்ளி மாணவ, மாணவிகளுக்கும் நேர்த்தியான சீருடை வழங்கப்பட்டுள்ளது எதனைக் காட்டுகின்றது?. 
Y நாதமுனி, ஸ்ரீரங்கம்.
 

தற்போதைய தமிழக அரசு பள்ளிகளின் தரத்தினை உயர்த்திட வேண்டும் என்று உறுதியாக இருப்பதனையும் குறிப்பாக கல்வி அமைச்சர் திரு. K.A செங்கோட்டையன் அவர்களின் ஈடுபாடும் மூத்த அதிகாரிகளின் முனைப்பும் தான் காரணமாகும். இவ்விஷயத்தில் தமிழக அரசுக்கு சபாஷ் போட வேண்டும்.  Well Done Tamilnadu Govt. (EPS & OPS+ KAS).


ஆன்லைன் வணிகம் சிறு வணிகர்களை பெரிதும் பாதித்திடுமா? குறிப்பாக ஆன்லைன் வர்த்தகங்களில்    WALMART  மற்றும் FLIPKART நுழைவதனால் பெரும் பாதிப்பு உண்டாகும் என்று சொல்லப்படுகின்றதே?
K குமார், மதுரை.
 
 

ஆன்லைன் வர்த்தகம் இந்த நவீன யுகத்தில் தவிர்க்க முடியாத ஒன்றாகும்.  வாடிக்கையாளர்கள் எல்லோருமே ஆன்லைன் வர்த்தகத்திற்கு மாறிவிடுவார்கள் என்று சொல்வது ஏற்கக்கூடியது அல்ல.  ஏனெனில் ஒரு கடைக்கோ அல்லது ஒரு சூப்பர் மார்கெட்டிற்கோ நேரில் சென்று வாங்குபவர்கள் எல்லோருமே ஆன்லைன் வர்த்தகத்திற்கு மாறிவிட மாட்டார்கள்.  சொல்லப்போனால் ஆன்லைனிலும் பொருட்களை விற்பதனால்,  நிறைய பொருட்களும், நல்ல விலையும் மற்றும் தரமான பொருட்களும் ஆன்லைனில் மட்டுமின்றி நேரடி வியாபாரத்திலும்  கிடைத்திடும். இந்த ஆரோக்கியமான போட்டி வாடிக்கையாளர்களுக்கு நன்மைகளையே பயக்கும்.

என் கேள்விக்கென்ன பதில்
தேசிய அளவில் மூன்றாவது அணியை ஏற்படுத்த முயற்சி செய்பவர்கள் தாங்களும் பிரதமர், துணைப் பிரதமராகலாம் என்கின்ற கனவினால்தானா?
S. பாலசுப்ரமணியன், திருவாரூர்.
 
Read More ..
 
Online Payment
Now Make Your State Patron Magazine Subscription and Donation Through Online Payment Gateway Service Provide By THAMBRASS